ბულგარეთის ქ. სოფიას სასწავლო ცენტრი (CAS) აცხადებს კონკურსს დოქტორის ხარისხის მფლობელი საერთაშორისო სტუდენტებისათვის 2011/2012 სასწავლო წლის კვლევითი სტიპენდიების მოსაპოვებლად. მოცემული პროგრამა მოიცავს ორიდან 5 თვემდე კვლევით/სასწავლო პერიოდს. კანდიდატებმა თვითონ უნდა აირჩიონ კურსის დაწყების თარიღი: 2011 წლის 1 მარტიდან 2011 წლის 31 ივლისამდე ან 2011 წლის 1 ოქტომბრიდან 2012 წლის 29 თებერვლამდე.
პროგრამის მიმართულება: ჰუმანიტარული და სოციალური მეცნიერებები.
პროგრამით გათვალისწინებული სტიპენდიები მოიცავს:
• სოფიაში ყოფნისას ყოველთვიური საარსებო ხარჯების ანაზღაურებას 700 ევროს ოდენობით;
• სოფიაში დაბინავებას;
• CAS ცენტრის საბიბლიოთეკო და საინფორმაციო – ტექნოლოგიურ რესურსებითა და მონაცემთა ბაზებით უზრუნვეყოფას;
• მგზავრობის ხარჯებს 400 ევროს ოდენობით;
• კვლევითი საქმიანობის ხარჯებს ყოველთვიურად100 ევროს ოდენობით.
სტიპენდიანტები მონაწილეობას მიიღებენ ცენტრის მიერ ორგანიზებულ მრავალრიცხოვან ლექცია –სემინარებსა და კონფერენციებში, სადაც წარმოადგენენ და კოლეგებთან ერთად განიხილავენ საკუთარ სამეცნიერო – კვლევით პროექტებს. აღნიშნული ნაშრომები გამოქვეყნდება ინგლისურ ენაზე.
სამუშაო ენა: ინგლისური.
დაინტერესებული კანდიდატები უნდა აკმაყოფილებდნენ შემდეგ ძირითად კრიტერიუმებს:
• არ იყვნენ ბულგარეთის მოქალაქეები;
• ფლობდნენ მეცნიერებათა დოქტორის ხარისხს ჰუმანიტარულ და სოციალურ მეცნიერებებში;
• სასურველია საერთაშორისო კვლევითი გამოცდილება (პროექტებსა და კონფერენციებში მონაწილეობა);
• კანდიდატებმა ელექტრონულად უნდა გაგზავნონ შემდეგი დოკუმენტაცია:
• სრულად შევსებული სააპლიკაციო ფორმა;
• ორი სარეკომენდაციო წერილი (უნდა გააგზავნონ უშუალოდ რეკომენდატორებმა);
• სამეცნიერო – კვლევითი ნაშრომის თეზისები.
განაცხადების გაგზავნის ბოლო ვადაა 2010 წლის 1 ნოემბერი.
დამატებითი ინფორმაციისათვის მიმართეთ, ილიას სახელმწიფო უნივერსიტეტის სტუდენტური სერვის ცენტრის, დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220, ტელ.: (8 32) 29 47 11.
[wpai_display_imported_files_here]